Këtë fundjavë janë sekuestuar nga policia rrugore 56 leje drejtimi si dhe janë arrestuar 11 persona që drejtonin mjetin në gjendje të dehur.
Në aksionin e ndërmarrë, policia ka bërë bilancin e arrestimeve, gjobave dhe sekuestrimin e patentave.
Si rezultat u arrestuan në flagrancë 11 shtetas për drejtim mjeti në gjendje të dehur.
Një personi iu vunë prangat për kundërshtim të punonjësit të Policisë.
56 leje drejtimi u pezulluan nga këto:
25 leje drejtimi për shpejtësi tej normave të lejuara në qytet.
29 leje drejtimi për drejtim mjeti nën ndikimin e alkolit dhe në gjendje të dehur.
2 leje drejtimi te pezulluara për kalim të afatit.
64 drejtues mjetesh u dërguan në OASH.
19 masa administrative për rrip sigurimi, shkelje semafori dhe përdorim të celularit.
U këshilluan drejtues mjetesh për shkelje të lehta të kodit rrugor.
