Eneda Tarifën po e ndjek fati i keq gjatë rrugës së saj në Eurovizion.
Në vijim të turneut promovues, e ftuar në eventin “London Eurovision Party”, Eneda Tarifa u ngjit në skenë duke kërkuar për shqiptarë të pranishëm në diskotekë.
Me të marrë mbështetjen e publikut, këngëtarja e cila u kritikua për situatën e sikletshme me anglishten e saj gjatë intervistës në Amsterdam, vijoi me interpretimin live të këngës “Fairytale”.
Gjithçka duket se po shkonte mirë deri afër fundit, kur Enedës i duhej të përsëriste dy herë refrenin e këngës.
Ky moment është lehtësisht i dallueshëm në min. 3.08 të videos, pavarësisht se si një profesioniste e vërtetë, ajo u mundua ta marrë situatën në dorë, që problemi të mos kuptohej.
