Papa Françesku ka marrë 12 refugjatë sirianë me vete në avionin e tij, teksa kthehej në Vatikan, në përfundim të vizitës që kreu në kampin e ngritur në ishullin grek Lesbos.
Tri familjet, përfshirë 6 fëmijë, hipën në avionin e Papës kur ai mori rrugën e kthimit.
Vatikani deklaroi se Papa Françesku dëshiroi të bënte “një gjest mirëseardhjeje” për refugjatët.
Mijëra emigrant janë bllokuar në Lesbos, pasi muajin e fundit, BE dhe Turqia bënë një marrëveshje për të ndaluar vërshimin e tyre.
Gjatë vizitës në kampin Moria të refugjatëve sot, Papa u tha refugjatëve: “Ju nuk jeni vetëm”.
