Petrit Çupi u arrestua para dy ditësh me akuzën se kishte kryer veprime të turpshme me një vajzë 5 -vjeçare. Ndërsa, ditën e sotme, Gjykata e Bulqizës e la të lirë atë.
Në seancën e sotme, pasi ka shqyrtuar provat, gjykata e ka cilësuar të paligjshëm arrestimin e tij. Sipas ligjit, i akuzuari duhet tashmë të paraqitet për llogari të vijimit të hetimeve. Ai u denoncua nga nëna e vajzës, Gëzime Lleshi, që u bë e njohur pasi tentoi t’i priste organet gjenitale fqinjit të saj, që e akuzoi se hyri ta përdhunonte. Ndaj shtetasit,Petrit Çupi, u caktua masa e dënimit “detyrim paraqitje”.
Sipas gruas, Petriti, që është gjithashtu një fqinj i saj e kishte puthur të bijën në kasollen e bagëtive. Çuditërisht sot gruaja nuk është paraqitur fare në seancë që të përballej me personin që e coi pas hekurave, pasi e akuzoi për ngacmimin e së bijës.
