Disa persona të armatosur dhe të maskuar kanë vrarë 140 persona pranë kufirit me Sudanin e Jugut.
Policia e Etiopisë ka ngritur alarmin se këta persona kanë rrëmbyer edhe 39 fëmijë.
Dyshohet se sulmuesit janë anëtarë të disa fiseve në Sudanin Jugor, ndërsa forcat e sigurisë janë duke u përpjekur për të neutralizuar agresorët.
Etiopia po pret mijëra refugjatë sudanezë të cilët prej fillimit të vitit 2013 kanë filluar të ikin pasi vendi i tyre është kthyer në një arenë përleshjesh të përgjakshme.
