Dhimbja e dhëmbit është padyshim një nga dhimbjet e pakëndshme që thuajse të gjithë e njohim. Mirëpo, me ndihmën e një truku shumë të thjeshtë, që përfshin një kokërr akulli, do ta keni të lehtë ta eleminoni atë, së paku deri sa të arrini te stomatologu.
Një studim i realizuar disa vite më parë në Kanada ka treguar se dhimbjen nga dhëmbi mund ta eliminojmë ose lehtësojmë duke mos e hapur aspak gojën.
Ndërsa ajo çfarë ju nevojitet është një kokërr akulli, të cilën do ta vendosni në rrudhosjen e dorës në mes të gishtit të madh dhe gishtit tregues dhe ngadalë do ta fërkoni pikërisht atë pjesë pesë deri në shtatë minuta.
Kjo pjesë e shuplakës është vendi në të cilin gjenden mbaresat nervore të lidhura me qendrën për dhimbjen në tru, e cila kontrollon shkallën e dhimbjes në duar dhe në kokë.
Fërkimi me akull bllokon ato qendra, ndërsa 90 për qind e pjesëmarrësve në një studim, kanë pohuar se kjo teknikë ua ka lehtësuar dhimbjen.
