Papa Françesku gjatë kthimit në Vatikan ka marrë me vete në avionin e tij 10 refugjatë nga Lesbosi.
Mediat italiane, duke iu referuar burimeve zyrtare greke raportojnë se ka qenë një dëshirë e shprehur nga vetë Papa. Por, nga ana tjetër korrespondenti i Times Anthee Carassava ka thënë se mbrëmjen e djeshme brenda në kamp është zhvilluar një lotari ku tre familje refugjatësh e kanë fituar për të shkuar me Papën në Romë.
Bëhet fjalë për 8 sirianë dhe 2 afganë, të cilëve do t’u bëhet vend në avionin e Papës gjatë fluturimit të kthimit për në Romë. Zgjedhja duket se nuk është rastësore, por duket se shkon si kundërpërgjigje e zgjidhjes europiane për të mos i konsideruar afganët si përfitues të azilit Zëdhënësi i Vatikanit, padre Federico Lombardi, nuk ka dashur të bëjë komente rreth lajmit.
Bold News
