Prokurori i arrestuar për korrupsion, Haxhi Giu do të gjykohet me gjykim të shkurtuar. Gjykata e Krimeve të Rënda ka pranuar kërkesën e tij, çka në fund të procesit do të përfitojë uljen me 1/3-n të masës së dënimit.
Gjykim i shkurtuar është pranuar edhe për të arrestuarin tjetër Aleks Shporin.
Giu u arrestua më 12 shkurt në Tiranë nën akuzën se kishte marrë ryshfet rreth 29 mijë euro për të ndryshuar akuzën penale ndaj një shtetasi.
Së bashku me të, u arrestua edhe Aleks Shpori, i cili i la garancinë financiare në një pikë këmbimi parash.
