Para disa ditësh, komediani gjerman Jan Böhmermann, me satirën e tij provokoi shumë ashpër Presidentin turk, Erdogan.
“Bën seks me kafshë dhe idiot profesionist”, këto fjalë të satirës së komedianit bën që Ankaraja të mos ta linte çështjen lehtë por të niste një procedim penal ndaj moderatorit të “ZDF”-së. Në një emision humoristik të televizionit të dytë publik gjerman, prezantuesi paraqiti një “poezi satirike me sharje” kundër Erdoganit.
Përmes saj, Böhmermann deshi të vinte në pah shtypjen e lirisë së mendimit dhe mënyrën sesi veprohet me satirën në Turqi. Çështja ngjalli debate të forta në Gjermani, ku shumë mendojnë se Merkeli nuk duhet të lejojë që t’i bëhet presion nga Erdogani.mirëpo, ajo ka vendosur që të lejoj hetimin ndaj komedianit.
Të tjerë, edhe pse mbështesin qëndrimin se Böhmermann ka shkruar vetëm një satirë, e cila mbrohet nga liria e mendimit dhe e artit, sërish konsiderojnë se poezia në vetvete, me sharjet brenda saj, e ka kaluar limitin.
Teorikisht, Böhmermannin e kërcënon dënimi me 3 vite burgim për fyerjen e presidentit të një vendi tjetër, por – sipas ekspertëve, – një gjë e tillë zor se ka për të ndodhur.
