Ditën e djeshme, nga ekspertiza e trupit të viktimës, Ajet Zeqaj, dolën dyshime të tjera se mund të jenë të njohurit e tij të cilët i qëlluar për vdekje me 5 plumba.
Sot, vëllai i tij, Fatmir Zeqaj, rrëfen se dyshimet e tij ai i hedh tek ish-kunetërit e Ajet Zeqaj. 58- vjeçari tregon momentet e vrasjes së ndodhur në zonën e ishBllokut.
Në një intervistë për “Tv Klan”, ai thotë se, vëllai i tij u qëllua me pesë herë me pistoletë. “Në kamera i kam parë, i kam fiksuar të gjitha. Më duket një person që ka dalë hapur, nga andej dhe në momentin që ka dalë nga ky marketi këtu (tregon me dorë nga marketi) ka ikur dhe është futur tek tuneli.
Ishte me mjekër e mustaqe edhe është futur tek tuneli aty. Kur doli vuri dorën në kokë, ndërsa personi që e vrau ishte fshehur matanë, tek ajo makina aty. Ai ishte fshehur andej, në momentin që ka dalë ky, ka ikur andej, ka dalë nga lloto edhe ai me mjekër, edhe fshatari jonë. Fshatari jonë ka ikur këtej (nga marketi), ai me mustaqe ka ikur andej (tuneli). Për mua kanë kontrolluar rrugët, të dyja palët. Momentin që ka dalë Ajeti, nga dera e llotos ka ardhur këtu ku ndodhem unë. Ai ka nxituar me vrap dhe e qëlloi dy herë nga pas. Im vëlla iu kthye, në atë moment ai e gjuajti në sy dhe një plumb e kishte marrë në hundë. Në atë moment im vëlla ra. Ai e mbushi sërish pistoletën dhe i gjuajti dy herë në krah të zemrës, në të djathtë”, thotë 58- vjeçari.
