Një i moshuar është vënë në prangat e policisë pasi mbante të izoluar në banesën e tij dhe detyronte të prostituohej një grua.
Namik Cukaj, 65 vjeç, banues në Tiranë, është arrestuar dje nga forcat e Komisariatit numër 1 me akuzat për “Shfrytëzim prostitucioni” dhe “Mbajtje e lokaleve për prostitucion”. Mësohet se Cuka ka qenë i dënuar më parë për të njëjtën vepër penale atë të “Shfrytëzimit të prostitucionit”.
Gjatë kontrollit të ushtruar nga policia në rrugën “Shyqyri Ishmi”, në një banesë e cila ishte përshtatur dhe kthyer në bazë prostitucioni, është gjetur e mbyllur në një dhomë shtetasja M. C., 40 vjeçe, banuese në Durrës.
Nga hetimet rezulton se kjo shtetase shfrytezohej për qëllime prostitucioni pa deshirën e saj dhe nën presion duke ushtruar dhe dhunë fizike ndaj saj nga shtetasi Namik Cukaj për një periudhë kohore prej 1 muaj.
Ky shtetas i bënte presion dhe i çonte klient kësaj shtetaseje në këmbim të marrëdhënieve seksuale kundrejt pagesës prej 3 mijë lekë të rinj. Materialet proçeduriale ju kaluan Prokurorisë pranë Gjykatës Tiranë
