Efektivi i Komisariatit të Policisë së Mirditës, Dritan Mjeshtri, është aksidentuar mbrëmjen e djeshme teksa udhëtonte me mjetin e tij.
Burimet për “Panoramën” thanë se ngjarja ka ndodhur në orën 22:00 të mbrëmjes së djeshme në rrugën Rubik – Milot në fshatin e quajtur Fang. Mësohet se autor i aksidentit është inspektori i bashkisë Ton Lleshi, i cili ka qenë duke ngarë mjetin në gjendje të dehur.
Dritan Mjeshtri mësohet se ndodhet në gjendje të rëndë në spital në Tiranë, ndërsa punonjësi i bashkisë është mbajtur i fshehur deri sot sa t’i dalë pija, pasi dje është larguar nga vendi i ngjarjes.
