880 kg marijuanë janë sekuestruar në brigjet e Korfuzit. Në vendin e quajtur Ishujt Diapontike, janë gjetur të fshehura 7 çanta me 94 pako, 8 valixhe me 51 pako dhe 31 pako te mëdha, të gjitha me peshe totale 880 kg 950 gram.
Kjo sasi dyshohet të jetë fshehur nga trafikantët e gomones që i iku policisë në Itali dhe u fut në Kanalin e Korfuzit. Me sasinë e sekuestruar ditët e fundit, shkon në 1 ton 432 kg sasia e drogës, e cila deri tani është gjetur e fshehur apo e hedhur në plazhet e veriut të Korfuzit.
