Të gjithë ata që kanë zgjedhur të shohin ndeshje këtë mbrëmje të enjte, padyshim që nuk do të jenë bërë pishman. Ndeshja e kthimit midis Liverpool dhe Borussia Dortmund ishte e nivelit të Champions League. Një spektakël i vërtetë dhe një reklamë e futbollit evropian. Për 90 minuta topi nuk ka pushuar por nga njëri krah në tjetrin kërcente me një temp marramendës. Borussia kalon në avantazh të dyfishtë brenda 10 minutave të para, dhe u duk sikur e “vrau” ndeshjen por historia nuk ja lejon kurrë Liverpool të dorëzohet.
Në fillim është orizi që ngushton avantazhin, por Reus nuk i lejon të ëndërrojnë akoma tifozët vendas duke e bërë çuar diferencën sërish në dy gola. Por Coutinho nuk ka ndërmend të dorëzohet teksa shënon dhe pak pas tij Sakho barazon rezultatin. Minutat e fundit janë tepër emocionuese dhe u ndje në ajër që ndeshja kishte edhe një gol. Është Lovren që shënon në minutën e parë shtesë. Liverpool shkon në gjysmëfinale me një tjetër përmbysje historike.
Pjesa I Ndeshja ka premisa për të qenë e çmendur. Të dy ekipet fillojnë me vrull të madh. Dhe është Dortmund që kalon në avantazh që në minutën e 5-të me anë ë Mkhitaryan. Pas një krosimi perfekt, Aubameyang ndodhet i vetëm para portierit por goditja e tij është qendrore, por Mingolet nuk arrin ta devijojë jashtë zone dhe topi bie në këmbët e armenit, i cili e ka shumë të lehtë ta çojë në rrjetë. Dortmund e ka seriozisht! Vetëm katër minuta më vonë vjen edhe goli i dytë rrufe. Aubameyang merr topin nga e djathta, marshon drejt portës dhe në një pozicion të pjerrët arrin të dyfishojë rezultatin. “Afield” është nën shok. Por Liverpool duket se është zgjuar nga makthi i dhjetë minutave të para. Ata po sulmojnë, po krijojnë dhe e vetmja gjë që i mungon është goli i shumë-merituar. Dortmund përdor kundërsulmin dhe është shumë i rrezikshëm, as për miqtë nuk mungojnë rastet e thellimit të rezultatit. Liverpool sulmon por Dortmund krijon rastet më të pastra. Përfundon pejsa e parë 0:2. Liverpool i duhet një mrekulli për 45 minutat e dyta.
Pjesa II Liverpool nuk dorëzohet! Pas vetëm tre minutash lojë, Origi ngushton diferencën pas një pasimi të Emre Can, Origi gjendet vetëm për vetëm me portierin dhe nuk gabon. Por Dortmund nuk ka ndër mend të bëhet një viktimë ‘alla’ Milan i vitit 2005, Hummels jep një pasim perfekt për Reus në të majtë i cili godet me një finesë klasi duke rivënë rregull në “Anfield”. 3:1 rezultati. Liverpool nuk ia lejon historia të dorëzohet, dhe Coutinho rifut sërish në lojë vendasit pas një goditje fantastike nga 20 metra distancë në minutën e 66-të. Sulmet e mikpritësve janë të njëpasnjëshme dhe ato shpërblehen, është Sakho që çon tifozët e tij në ekstazë pasi devijon topin nga një goditje këndore. I gjithë stadiumi në këmbë, tashmë të gjithë besojnë në përmbysje. Dhe besimi shpërblehet!!! Pa një pasimi të mrekullueshëm të Milner është Lovren i cili ngrihet në ajër për të goditur me kokë dhe shënon duke kompletuar një përmbysje historike.
