Në prag të takimit me Presidentin Obama, kryeministri Edi Rama ka marrë një vëmendje të madhe mediatike.
Pas intervistës në BBC, ai ka deklaruar për Foreign Policy se ‘Donald Trump është një turp i qytetërimit’. Por përtej qëndrimit të tij, të njohur tashmë kundër kandidatit favorit republikan për President, ja se çfarë shkruan vetë Foreign Policy pas intervistës 25 minutëshe të Ramës.
“2.01 m i gjatë, Rama – i cili do të takohen privatisht me presidentin e SHBA Barack Obama dhe zv presidentin Joe Biden, të enjten – është i vetmi kryetar qeverie qe ka përfaqësuar vendin e tij në ekipin kombëtar të basketbollit. Ai qendron si nje kulle (sheh nga lart) mbi ndihmësit e tij, por ishte çuditërisht fjalë bute gjatë intervistës 25 minuta, madje edhe kur kritikonte me zemërim Trump”, thuhet në artikull.
Pjesë nga profili i FP pë Ramën
Një piktor i trajnuar, i cili hyri në politikë si ministër i Kulturës Rinisë dhe Sporteve në 1998, ai u zgjodh kryetar bashkie i Tiranës ne vitin 2000. Si kryebashkiak, ai mbikëqyri transformimin e Tiranës nga një koleksion ndërtesash dëshpëruese, gri, i stilit sovjetik, në një nga metropolet më me ngjyra (piktoreske) në botë.
Kritikët e tij e kanë akuzuar atë për fokusimin e tepërt tek pamja fizike e qytetit dhe jo mjaftueshëm tek problemet e përditshme, përfshirë korrupsionin, varfërinë dhe papunësinë. Si Kryeministër ai e ka shikimin (vizionin) e tij të vendosur lartë, në anëtarësim e plotë në BE i cili do të ishte një garanci ekonomike, politike dhe në aspektin e sigurisë për vendin me 3 milion banorë. Shtëpia e Bardhe po mundohet ta ndihmojë atë të arrijë qëllimin duke shpenzuar rreth 25 milionë dollarë për qeverisjen e mire dhe zbatimin e ligjit, parakushte për anëtarësim në BE. /Panorama/
