Vetëm në dy muajt e fundit bilanci i vrasjeve në Elbasan është 5 të vrarë dhe 10 të plagosur.
Seritë e vrasjeve për hakmarrje nuk kanë marrë ende zgjidhje në këtë qytet përveç rastit të Cërrikut, , ku ka dy të ndaluar, të gjitha atentatet e tjera janë të pazbardhura.
Historia e hasmërisë Çapja-Mema
Saimir Beqiri, viktima e fundit ( 11 prill) shënon shuarjen e kësaj familje. Ndërkohë 7 famije të tjera janë në hasmëri. Të gjitha këto pas prishjes së një miqësie mes familjeve Mema dhe Çapja në 2005.
Një sher verdal nisi mes biznesmenit Sokol Çapja dhe ish-shefit të qarkullimit të Elbasanit Fadil Mema në dhjetor 2005. Në mes të konfliktit futen nipërit e policit, duke vrarë më 26 dhjetor 2005 Sokol Çapjen. Akuzohen për ngjarjen Dritam Sheme, Dritan mema Beqiri dhe Armando Hasani. Më pas u kundërpërgjigjen anëtarët e fisit Çapja. Vritet në Tiranë në një hotel Dritan Shema, djali i dajës së Fadil Memës. Pas një viti synohet të vritet Fadil Mema, i cili mbeti i plagosur. Çapajt nuk tërhiqen. Qëllohet kunati i tij Ardian Ibrahimi dhe për ngjarjen nuk kishte asnjë të arrestuar. Në vitin 2009 dyshohet se fisi Çapja ka paguar vrajen e ish-shefit të antidrogës Roland Rexhepi.
Më tej më 30 dhejtor 2011 qëllohet me armë vëllai i Roland Rexhepit, Ilir Rexhepi kushëri me Fadil Memën. Hakmarrje tjetër e fisit çapja. Në gusht 2012 ekzekutohet Gentian Beqiraj i paralizuar, vdes edhe babai i vitkimës nga infarkti në zemër. Çapja dhe Jaçe arrestohen dhe më pas lihen të lirë.
Fadil Mema arratiset në Itali, ku edhe është ekzekutuar më 14 Mars 2015. Ndërsa në shkurt të këtij viti janë vrarë tre anëtarë të fisit Çapja edhe pse fisi tjetër nuk e ka pranuar ngjarjen. Abc News
