Ka qenë vizita e Presidentit Nishani në këndin e lojrave tek Parku i Liqenit si kërkesë e shoqërisë civile që ka nervozuar kryebashkiakun Erion Veliaj.
Gjatë prezantimit të projekteve të reja për planin urbanistik të Tiranë, Veliaj, ka gjykuar Presidentin Nishani që inspektimi i tij në Këndin e lojrave të fëmijëve që po ndërtohet i duket qesharake dhe e pakuptimtë. Ndërkohë, ai i ka propozuar Presidentit që të lëshojë vilën e tij tek Parku i Liqenit dhe të lejojë të ndërtohet aty këndi i lojrave. “A e lë vilën në Park dhe ta bëjmë aty këndin e lojrave. Disa futen me eskordë në park e ne të tjerët në këmbë ose biçiklet. Kjo nuk është normale. Nesë fëmijët e presidentit rriten në parkun e liqenit të gjithë fëmijët kanë të drejtë për ta bërë këtë”.
Më pas ai vazhdoi me akuzat duke i drejtuar një pyetje- përgjigje presidentit. “A do shkojë presidenti tek pallati 17 -katësh? Pallati 17 -katësh te diga. Ai nuk do të shkojë aty se pronari i saj është pjesëtar i familjes Berisha”.
Me një gjuhë pak më të egër kryebashkiaku Veliaj tha: “Një tufë injoratësh po na luftojnë, por kështu vetëm na shtojnë inatin të punojmë më shumë”, është shprehur Veliaj.
