Një prift arbëresh ortodoks, Antonio Belushi, ka pohuar se në Greqi ndodhen 900 katunde shqiptare.
Gjatë studimit të tij të shtrirjes shqiptare dhe gjenezës së saj, 82 vjeçari ka arritur në këtë konkluzion. Ai u shpreh gjatë qëndrimit të tij në Kosovë ku mori pjesë në inaugurimin e Hashim Thaçit President.
“Unë botova librin tim ku zbulova 900 katunde shqiptare në Greqi, unë e njohë mirë gjuhen greke, gjenezën e kemi atje. Shkova atje për 40 vjet me radhë”, thotë ai
Ndjenja kombëtare, lidhje me vëllezërit shqiptarë dhe arbëresh, njohja për Kosovën dhe personalitetet e saj, përkushtimi për kombin janë atributet që e karakterizojnë priftin Belushi, gjë që e dëshmoi në këtë intervistë të Zonës B.
Ai u shpreh falënderues edhe për pjesëmarrjen në ceremoninë e inaugurimit të zotit Thaçi President, ku spikati dy gjëra.
“Skëndërbeu sot në ceremoni mu duk i gëzuar pasi Kosova është Republikë dhe që ka një President të ri. Ajo që më impresionoi më shumë ishin edhe vargjet e Ali Podrimës aq poezi e bukur, Unë biri yt Kosovë. Ti je shqiptar je vëllai im, je kosovar je vëllai im. Kur ne arbëreshet takoheshim edhe pa u njohur përqafoheshim dhe thonim gjaku im i shprishur. Këtë vëllazërim shqiptar e shpërndava edhe në vendet tjera, në Kanada në Neë York me shqiptarët tjerë, me vëllezërit tanë”, thotë ai.
“Në Amerikë erdhi edhe Ibrahim Rugova edhe Rexhep Qosja. Kam shumë mirënjohje për Rugovën, e vizitova edhe varrin e tij, unë u dekorova nga ai me dekoratën e Lidhjes së Prizrenit”.
“Unë jam bir i Kosovës”, tha prifti arbëresh Antonio Belushi, njofton Klan Kosova.
Arbreshët janë një fenomen dhe një popull krejt i veçantë në historinë njerëzore. Ruajtja e traditës shqiptare për shekuj me radhë është diçka që ka mahnitur të gjithë studiuesit dhe historianët që kanë njohur këtë popull.
