“Gysi Malavits, Gysi i Krimit, i Drogës, i Ramës”, kjo është foto ku drejtori i Antikorrupsionit në Kryeministri, i emëruar nga Edi Rama paraqitet me një bluzë karagjoze me këto shkrime.
Ergys Hoxha është etiketuar disa herë nga ish-kryeministri Sali Berisha si “drejtori i drogës”. Sakaq nuk ka munguar as përgjigja e tij karagjoze për Berishën. Në ditën e ditëlindjes së tij, Ergys Hoxha pozon me këtë bluze.
Ja çfarë shkruan në Facebook:
‘’Kush m’njef e di që s’jom tip qefliu festash, por që t’jem tip Fejsbuku dhe këtë s’do e besoja..por ja ku mblidhen këtu të gjithë ata që më duan, më respektojnë (por këtu janë edhe ato që s’më shohin dot me sy, ka nga ata që janë të identifikuar ka dhe nga ata që nuk dun të identifikohen)… Së pari falenderoj gjithë miqtë e mi, të afërm, rilindas, bashkëpuntor dhe këdo tjetër që në këtë ditë të shënuar u kujtua për mua me një urim.Së dyti përshëndes të gjithë ato njerëz që për 1 ose më shumë arsye nuk m’u dun ose nuk më shohin dot me sy dhe i them mos u mërzisni (sa më shumë më shani e merreni me mua aq më të fortë më bëni), dihet që pema me kokrra goditet …Kemi ecur shumë këto vite dhe mosha bën të veten, por ndryshe nga disa mua më rinon çdo vit që kalon unë ju premtoj miq që do e gjej kohën për ju që kontribuat që kjo ditë e shënuar të ishte plot diell….. Po ju falenderoj dhe me një foto (of the day )…’’
Në fakt Ergys Hoxha nuk përmendet kurrë në media për detyrën e tij dhe rezultatet në punë si drejtor i Antikorrupsionit por vetëm për incidente dhe provokime. Kështu kujtojmë se në Maj të 2014 ai është pezulluar nga detyra pasi u përfshi në një konflikt verbal me efektivët të Rrugores, duke i fyer dhe sharë . I gjithë debati mes tyre ishte rregjistruar nga kamerat e instaluara në makinën e patrullës.
Sakaq kujtojmë se Gusht në 2015 ai ka pasur një tjetër incident, kësaj radhe me ministrin e Brendshëm Saimir Tahiri. Në kampin socialsit të Jalë, thuhet se ka pasur një përplasje fizike, ku Ergys Hoxha ka goditur ministrin Saimir Tahiri.
