Kryeministri Edi Rama ndodhet në SHBA për një vizitë zyrtare de nesër do të takohet me presidentin e SHBA-ve, Barack Obama dhe zv.presidentin, Joe Biden.
I pyetur se çfarë pret nga ky takimi, Rama u shpreh se Shqipëria është e interesuar për të zhvilluar një marrëdhënie me FBI-në.
Ndërkohë gjatë pyetjeve në Këshillin e Atlantikut, Rama është ‘kapur’ edhe me ambasadorin amerikan në Tiranë, Donald Lu i cili i nxori një sekret.
Ambasadori Lu e ka pyetur Ramën nëse ka diçka që basketbolli e ndihmon të jetë kryeministër më i mirë, duke zbuluar se në zyrën e tij ka një kosh dhe mund të gjesh ndonjë send të thyer.
Por ja si iu përgjigj kryeministri.
Ambasadori i USA në Shqipëri Donald Lu: Amerikanët dashurojnë basketbollin zoti Kryeministër. A ka diçka për të cilin basketbolli ju ndihmon që të jeni një Kryeministër më i mirë? Për të gjithë ata që nuk e dinë, Kryeministri Rama jo vetëm që ka ndërtuar një fushë basketbolli në ambientet e Kryeministrisë, por ai ka vendosur një kosh basketbolli edhe në zyrën e tij, ndaj edhe mund të gjesh në të ndonjë send të thyer.
Kryeministri Rama: Kjo nuk është një çështje për të cilën do të flas nesër me Presidentin Obama; për fusha basketbolli në institucione apo për mënyrën se si basketbolli të ndihmon të jesh më i mirë se të tjerët.
(Boldnews)
