Kreu i Bashkisë së Tiranës, Erion Veliaj ka sulmuar Kreun e Shtetit, Bujar Nishani, pas mbështetjes që ky i fundit dha për shoqërinë civile. Veliaj shkruan në Tëitter se Presidenti do të bëhet kryetar Bashkisë, por sipas tij, nëse Nishani ka vilë në Park dhe fëmijët do kenë këndin e tyre. Veliaj thotë se Presidenti ka marrë urdhra nga Partia Demokratike.
“Bota ka parë Kryetar Bashkie të dojë të bëhet President, por president të bëhet kryetar bashkie veç Tirana po sheh! Sa turp që do t’u prishë parkun fëmijëve! Z. Nishani i vetmi shtetas që jeton me vilë në Park e eskortë në pedonale! Lodrat do bëhen! Nëse Nishani ka vilë në Park & fëmijët do kenë këndin. 200,000 fëmijët e Tiranës vlejnë me shumë se urdhrat e PD i dashur President!”, shkruan Veliaj.
Presidenti Nishani priti sot një përfaqësi të Shoqërisë Civile duke i dhënë mbështetje kauzës së tyre, ndërkohë që dënoi heshtjen e institucioneve për këtë çështje.
(Boldnews)
