40-vjeçari i cili u ekzekutua mëngjesin e sotëm në Elbasan është vëllai i Gentjan Beqirit, i cili është vrarë më 15 gusht 2012 në banesën e tij ku ndodhej nën masën e arrestit shtëpie.
Sajmir Beqiri u gjet i vrarë me armë zjarri pranë një lokali në Elbasan. Ngjarja ka ndodhur mëngjesin e së hënës, 11 prill 2016, rreth orës 7:00, në fshatin Katund i Ri, në aksion rrugor Elbasan-Metalurgji.
Kanë qenë banorët e zonës që njoftuan policinë, pasi dëgjuan të shtëna me armë.
Gazetarja e Ora News, Belinda Ruçaj informon se një nga pistat e hetimit është dhe ajo e hasmërisë. Disa burime jo zyrtare thonë se 40-vjeçari ka qenë duke udhëtuar me mjetin e tij dhe është ndjekur nga një tjetër makinë ku mendohet se kanë qenë atentatorët, të cilët i kanë kërkuar kthimin e detyrueshëm në lokal, më pas e kanë ekekutuar.
Ekspertë hetimorë nga Tirana kanë mbërritur në vendin e ngjarjes. Janë marrë në pyetje dhe dëshmitarë okularë, ndërsa në vendin e krimit janë gjetur edhe gëzhoja.
Kush eshte Gentjan Beqiri
Gentjan Beqiri, ishte njëri prej të akuzuarve nga prokuroria për vrasjen e Sokol Çapjas, në dhjetor të 2005. Gentjani u ekzekutua me pistoletë ‘silenciator’ në banesën e tij në katin e 8-të të pallatit në lagjen nr 10-të në Elbasan. Autorët kishin vrarë dhe të atin, Nezir Beqiri.
Njoftimi paraprak i policisë
Njoftohemi se sot më datë 11.04.2016, në Lagjen “28 Nëntori” në afërsi të një pike karburanti, është gjetur i vrarë me armë zjarri shtetasi Sajmir Beqiri, rreth 40 vjeç, banues në Elbasan,
Grupi hetimor, në bashkëpunim me Prokurorinë e Rrethit Gjyqësor Elbasan, po punojnë për identifikimin dhe kapjen e autorit.
