Sinan Hoxha kaloi fundjavën në Zvicër ku ishte i pranishëm në një nga klubet e Gjenevës. Megjithëse mbrëmja kaloi si gjithmonë e mbushur plot me publik, udhëtimi i këngëtarit nuk nisi mbarë.
Menaxheri i Sinanit, Avni Selimi tregon se atij iu vodh valixhja në aeroport dhe për ta gjetur ka ndërhyrë edhe policia e Gjenevës, të cilës iu deshën 24 orë për ta kthyer atë.
Në valixhe këngëtari veç veshjes për skenë kishte edhe pasaportën dhe çelësat e veturës. Sinan Hoxha është njëri nga artistët shqiptarë më të kërkuar në mbrëmje muzikore në diasporë.
