Qeveria ka reaguar pas deklaratave të deputetes demokrate, Albana Vokshi se prej muajsh nuk funksionon siç duhet asnjëra nga aparaturat e kobaltit, ndërkohë që akseleratori linear financim i qeverisë demokratike, ende nuk është vënë në funksionim.
Në transparenca.al, qeveria deklaron se akseleratori është vënë në punë në shkurt 2014 dhe se aktualisht është në punë.
“Në përgjigje të pretendimeve në deklaratën e deputetes Albana Vokshi sqarojmë se: Së pari, është e pavërtetë se akseleratori linear është financim i kryer në kohën e qeverisë demokratike dhe se nuk është vendosur ende në funksionim. Financimi nga Qeveria Austriake për blerjen, instalimin dhe vënien në punë të pajisjes së akseleratorit linear (LINAC) në Shërbimin Onkologjik është miratuar në Kuvendin e Shqipërisë në 20 Shkurt 2014. Aktualisht LINAC-u është vendosur në punë dhe po zhvillon procedurat e kërkuara teknike të kalibrimit dhe certifikimit që realizohen vetëm nga ekspertët e Agjencisë Ndërkombëtare të Energjisë Atomike në Vjenë (IAEA)”, deklaron qeveria.
Në reagim thuhet se vetëm dy javë më parë, Ministria e Shëndetësisë nënshkroi marrëveshjen e re me IAEA-n, që mundëson vënien në punë të një akseleratori linear të dytë për të garantuar vijimësinë e shërbimit. “Agjencia ka marrë përsipër të financojë 800 mijë euro, ndërsa nga buxheti i shtetit do të investohen për këtë qëllim 1 milionë euro”, thuhet më tej.
“Së dyti, siç mund të verifikohet lehtësisht nga çdo media, gazetar apo qytetar i interesuar, shërbimi i Kobaltoterapisë, jo vetëm që funksionon normalisht në mënyrë të plotë, por në vitin 2015 janë kryer 3,405 seanca më shumë se sa në 2014-ën. Ndryshe nga çka pretendon deputetja Vokshi, në Shërbimin Onkologjik gjenden dy aparatura të Kobaltoterapisë të cilat janë në punë me orar të zgjatur 07:00-18:00. Sot, janë kryer në secilën aparaturë, përkatësisht 28 dhe 25 seanca terapie dhe gjatë pasdites janë planifikuar të kryhen edhe 30 seanca të tjera terapie”, deklaron qeveria.
Tabela në vijim paraqet vëllimin e trajtimit me Kobaltoterapi:
Cobalt Terapia QSUT | 2013 | 2015 |
Numri i seancave me Cobalt Terapi | 27,666 | 32,064 |
Numri i pacientëve të trajtuar me Cobalt Terapi | 869 | 1100 |
Së treti, lidhur me pretendimet për barna, në vijim, qeveria paraqet të dhëna për furnizimin dhe konsumin në shërbimin e Onkologjisë në QSUT, si dhe zgjerimin e listës së barnave të rimbursueshme për periudhën 2013-2015:
Vëllimi i trajtimit me Citostatikë:
Citotastatikë QSUT | 2013 [Janar-Shtator] | 2015 [Janar-Shtator] |
Konsumi i Barnave (Antineoplastikë dhe immunomodulatorë) | 367 milionë lekë | 451 milionë lekë |
Numri i citostatikëve në Listën e Barnave të Rimbursueshme:
Viti | Principe Aktive | Barna Alternativë e Parë | Barna Alternativë Tregtare |
2013 | 16 | 18 | 38 |
2014 | 17 | 20 | 49 |
2015 | 25 | 29 | 47 |
Sasia e përdorimit të Herceptinës në QSUT:
Viti 2013
872 flakonë |
Viti 2015
2,300 flakonë |
Vokshi: Rama-Beqaj ndajnë milionat, të sëmurët në mëshirë të fatit