Si çdo fundjavë, efektivët e policisë rrugore kanë bërë kontrolle të shumta në Tiranë duke përdorur radarët Drager. Kështu janë arrestuar në flagrancë 6 persona që drejtonin automjetin në gjendje të dehur.
Një tjetër është arrestuar pasi ka kundërshtuar punonjësit e policisë. Gjatë 12 orëve të fundit janë pezulluar 39 leje drejtimi, nga këto 16 leje drejtimi për shpejtësi tej normave të lejuara dhe 21 për drejtim të makinës në gjendje të dehur. 2 leje drejtimi janë pezulluar për kalim të afatit.
Gjithashtu janë marrë 12 masa administrative për rrip sigurimi, shkelje semafori dhe përdorim të celularit.
