Jose Mourinho zbuloi se ka refuzuar një ofertë nga shteti fushëbetejë Siria për tu bërë trajneri i kombëtares së tyre. Portugezi aktualisht është i paangazhuar që në dhjetor të pasi u shkarkua nga Chelsea vetëm pak muaj pasi u shpall kampion në Premier League. Spekulimet e njëpasnjëshme e lidhin Mourinho me një vend në pankinën e Manchester United pas këtij sezoni, edhe pse ai ka pohuar që nuk ka bërë asnjë marrëveshje me klubin.
Edhe pse ka shprehur dëshirën për të vazhduar karrierën e tij menaxheriale sezonin tjeter, trajneri ka pranuar se ka refuzuar një ofertë për të marrë drejtimin e Sirisë gjatë eliminatorëve të Botërorit 2018. “Ata publikuan në faqen e tyre të internetit letrën që i dërguan menaxherit tim,” tha 53 vjeçari për Sky Sports. “Duhet ta pranoj që është e vërtetë, por por mu desh t’ia thoja në një mënyrë shumë të veçantë që ne nuk ishim të interesuar për punën.”
