Kryebashkiaku Erion Veliaj ka hedhur votën e tij lidhur me referendumin e Partisë Socialiste.
Ai ka votuar pro kreut të Partisë Socialiste, Edi Rama. Duke kundërshtuar kritikët për votimin e referendumit kryebashkiaku tha se procesi po shkon në rrugën e duhur duke ftuar të gjithë anëtarët të votojnë.
“Kush ka vërejtje për procesin do i duhet të lodhet shumë”, ka thënë Veliaj në një prononcim për mediat pasi voti për referendumin.
Referendumi i thirrur në Kongresin e datës 19 mars do të vendosë nëse mandati i kryetarit rinovohet automatikisht pasi ai fiton zgjedhjet dhe bëhet kryeministër.
Procesi i votimit do të mbyllet në orën 16.00 dhe deri mesditën e nesërme priten rezultatet e këtij votimi.
