“Kush mungon në mbledhje duhet të përjashtohet nga partia”. Me këto fjalë ka nisur mbledhja e kryesisë së PDSH-së dega Berat.
Kryetari i kësaj dege, Gazmend Hazizi, duket se ende mendon se partia, populli, pushteti dhe çdo gjë tjetër janë një. Pasi ka kërkuar nga të pranishmit që të mos bëjnë asnjë aktivitet partiak pa dijeninë dhe miratimin e tij, ai ua ka bërë të qartë të pranishmëve se si dikur shoku Enver, edhe ai është partia dhe kush kundërshton do përjashtohet.
Anëtarët e kryesisë e kanë kundërshtuar duke i kujtuar që jemi në vitin 2016. Gjithashtu, mësohet se si kryetari i degës së PD dhe sekretari e kanë çuar Partinë Demokratike në nivelet më të ulta.
Gjendja e PD në Berat është më shumë se e mjerë dhe mbajtja si kryetar i një njeriu me nivel shumë të varfër intelektual; dhe njerëzor po e katandis këtë forcë politike në shoqatë, tha një anëtar kryesie dhe drejtues i PD Berat.
Duket se inatet e Hazizit janë me takimin masiv të organizuar nga sekretari i PD, Ervin Saliani, në një nga zonat e kësaj dege.
Inferioriteti që ai ndien për shkak të formimit të tij, bën që të krijoj situata komike duke e vënë në vështirësi dhe duke e bërë qesharake PD në këtë qytet. Burime nga kabineti i zotit Basha bëjnë të ditur se së shpejti Berati do të përfshihet nga zgjedhjet për kryetarin e degës dhe prej aty do të nisi ristrukturimi i gjithë degëve të PDSH-së në Shqipëri. Pse e nis nga Berati? Kuptohet…
