Bayern vazhdon marshimin drejt titullit të katërt radhazi. Bavarezët marrin një tjetër fitore të rëndësishme në fushën vështirë të Stuttgart, të ndihmuar pak edhe nga vendasit. Goli i parë i miqve vjen nga një autogol i Niedermeier, i cili ndiqet nga një gol i Alaba-s vetëm shtatë minuta pasi kishte filluar pjesa e dytë. Stuttgart mundohet të kundërpërgjigjet por goli i Divadi vlen sa për statistikë pasi Bayern nuk e lëshojnë kollaj avantazhin duke shënuar edhe në super gol në përfundim të takimit me anë të Douglas Costa.
Marshimi vazhdon, Bayern fiton duke ruajtur energji edhe për ndeshjen e Champions League. Stuttgart e nis ndeshjen mirë duke ushtruar presion mbi bavarez. Por kjo zgjat vetëm 10 minuta, më pas vendasit rreshtohen prapa duke mos rrezikuar. Vidal duhet të dalë nga loja që në minutën e 25-të për shkak se rrezikon kartonin e dytë të verdhë, në vend të tij futet Muller. Në minutën e 31-të vjen edhe goli i parë i miqve, Niedermeier tenton të ndalojë një pasim të kundërshtarit por topi përfundon në rrjetën e tij, autogoli i mbrojtësit gjerman i ka dhënë Bayern-in avantazhin. Në minutat e mbetura Bayern kërkon të kontrollojë lojën dhe pjesa e parë përfundon me rezultatin 0:1.
Nuk vonon shumë dyfishimi i rezultatit nga Bayern. Është Alaba ai që shënon pas një pasimi të Bernard brenda në zonë duke e goditur topin në të majtë të portierit. Stuttgart nuk ka më çfarë të humbasë dhe hidhet në sulm. Iniciativë që shpërblehet nga vendasit, të cilët ngushtojnë diferencën me anë të Daniel Divadi, i cili e shumë fat arrin të çojë topin brenda në rrjetë megjithëse ndodhej i shtrirë në tokë. Goli i Stuttgart nuk e shqetëson shumë ekipin bavarez teksa vazhdojnë të kontrollojnë ndeshjen qetësisht duke kërkuar golin e sigurisë. I cili vjen pas një super goditje të Douglas Costa nga një distancë rreth 20 metra në të djathtë të portierit. Vuloste fitorja.
