Mbyllet në barazim 3-3 derbi i Londrës mes West Ham dhe Arsenal në një ndeshje spektakolare, reklamë për Premier League. Arsenal e pa veten në avantazh të dyfishtë, West Ham përmbysi gjithçka me tre golat e shënuar nga Andy Carrol, por Koscielny shmangu humbjen për ekipin e Wenger që gjithsesi ka bërë një hap prapa në garën për titullin kampion. Arsenal ka dhjetë pikë më pak se Leicester kryesues, kur të dyja skuadrat kanë edhe gjashtë ndeshje deri në fund.
Arsenal e pa veten në avantazh të dyfishtë në pjesën e parë Arsenal e gjeti golin e avantazhit pas 18 minutash lojë, kur Mesut Ozil goditi saktësisht me të majtën, pas pasimit të marrë në hyrje të zonës nga Iwobi. Ky i fundit “ndërtoi” edhe golin e dytë për skuadrën e Wenger, që u shënua pasi u mbush gjysmë ore lojë, me goditjen e Alexis Sanchez me të djathtën. Në këtë mënyrë, Arsenal e pa veten në avantazh të dyfishtë në derbi…
Megjithatë, West Ham vuri baraspeshën që në pjesën e parë, duke shënuar dy herë në tre minutat e fundit të këtij fraksionit. Që të dy golat mbajnë firmën e qendërsulmuesit Andy Carrol. Të parin e shënoi me kokë në minutën e parafundit, ndërsa golin e barazimit e firmosi gjatë një goditje nga këndi në minutën e dytë shtesë, pas një rrëmuje në zonën e Arsenal.
West Ham-Arsenal u mbyll 3-3 Andy Carrol konfirmoi mesditën e tij të jashtëzakonshme duke shënoi edhe golin e tretë, në minutën e shtatë të pjesës së dytë, pas krosimit të marrë nga Michail Antonio. 20 minuta para fundit, Arsenal barazoi 3-3 këtë ndeshje “epike” me golin e shënuar nga qendërmbrojtësi francez Laurent Koscielny. Nuk pati fitues në “Upton Park”, por futbollistët u shoqëruan nga një duartrokitje masive. Arsenal është 10 pikë larg nga Leicester kryesues
