Një 21 -vjeçare shqiptare është vënë në pranga nga policia italiane pasi prej kohësh shantazhonte një shtetas italian se do të publikonte foto intime me të nëse nuk i jepte 100 mijë euro.
Alba Bugjzi, punonte si prostitutë dhe e kishte mashtruar italianin se ishte nën moshën 18 vjeç. Disa foto të saj me italianin duke kryer marrëdhënie seksuale ajo i posedonte duke e kërcënuar këtë të fundit se do ta denonconte në polici.
I dëmtuari pasi bëri denoncim në Polici, sqaroi se e kishte takuar shqiptaren në tetor të vitit 2015 në Bolzano.
Pas disa takimesh, 21-vjeçarja i kishte kërkuar 100 mijë euro pasi në të kundërt do ta denonconte në Polici për seks me të mitur, si dhe do t’i paraqiste foto komprometuese autoriteteve, duke pretenduar se ishte nën 18 vjeç.
Pas kësaj, më 8 prill, nën vëzhgimin e Policisë i shantazhuari takoi shqiptaren dhe i dha një shumë parash.
Kartëmonedhat ishin fotokopjuar paraprakisht nga Policia dhe kjo gjë çoi në arrestimin e saj.
