Dhjetra qytetarë janë tmerruar nga një aksident që ka pësuar autobusi uban i Unazës, i cili është përplasur me një pemë, mesditën e sotme në vendin e quajtur “Tajvani”.
Mësohet se pasagjerët kanë dalë të tmerruar nga autobusi pasi ai ka devijuar drejt trutuarit. Një grua ka pësuar dëmtime dhe është transportuar menjëherë në spital.
Fotot dhe videot nga Top Channel tregojnë edhe pasagjerët që dalin të frikësuar nga autobusi.
Një dëshmitar i ngjarjes rrëfen se shoferi i urbanit ka qënë i dehur, dhe ka nxjerrë pretendimin se nuk i mbajtën frenat. Megjithatë policia pritet të japë sqarime të mëtejshme.
