Deputeti i Partisë Demokratike Astrit Patozi është shprehur pesimist për reformën në drejtësi, duke akuzuar Kryeministrin Rama dhe aleatin e tij Ilir Meta se nuk janë të interesuar për reformimin e drejtësisë shqiptare.
Duke folur në Parlament, Patozi u shpreh se politika shqiptare është në një situatë të keqe dhe i duhet një shkundje e fortë.
“Defektet e rënda të sistemit nuk janë shkaku, janë pasoja. Ne kemi nevojë urgjente për një shkundje të fortë, e cila jam i bindur se do të vijë nëse ka një reagim. Jam i bindur se ky parlament me gjithë defektet që ka, e ka këtë mundësi.
Edi Rama është penduar për ato që ka thënë atëherë sepse tani e shikon veten maj kalit. Mendoj se ata kanë frikë nga Republika e dytë ngaqë ata nuk ndahen dot me të parën. Mendoj se sa herë ka një konfilit të ndezur, faji duhet të kërkuar tek politika”, u shpreh ndër të tjera deputeti demokrat.
Në mbyllje të fjalës së tij, Astrit Patozi tha se është pesimit për realizimin e kësaj reforme, pasi mazhoranca nuk tregon vullnet. “Jam shumë pesimist për reformën në drejtësi dhe më shumë akoma për Kushtetutën e re që mund t’i vijë këtij Parlamenti”, tha Patozi.
