Dëshmorëve të atdheut i janë shtuar sot 2 emra, të dy djemve të Forcave Ajrore të ushtrisë shqiptare që humbën jetën dje tragjikisht, ndërsa fluturonin me helikopter në Malësi të Madhe. Ditën e sotme në mesditë u mbajt ceremonia e lamtumirës për kapiten Floran Delia dhe toger Donald Hoxha, të cilët më pas u përcollën për në banesën e fundit, në Varrezat e Dëshmorëve.
Ceremonia e nderimit të dy pilotëve të rënë dëshmorë një ditë më parë ka nisur në orën 12:00 në Pallatin Kongreseve. Dy djemtë, kapter Donald Hoxha dhe kapiten Florian Deliaj u shpallën dëshmorë të kombit.
Ata humbën jetën një ditë më parë në zonën e Shkodrës, konkretisht në fshatin Grizhë të Malësisë së Madhe, teksa po fluturonin me helikopterin “Ec 145”. Në orën 14:00 trupat e dëshmorëve Hoxha e Deliaj u përcollen për në banesën e fundit.
“Ikja” e tyre la pas shumë pikëpyetje për shkaqet e rënies së helikopterit që nuk dihet nëse do të marrin ndonjëherë përgjigje.
