Helikopteri i Forcave të Armatosura që u rrëzua mesditën e sotme, ku gjetën vdekjen 2 pilotë dhe një tjetër i plagosur, është blerë nëntorin e vitit të kaluar.
Në një dalje të jashtëzakonshme për mediat, Shefi i Shtabit të FA Jeronim Bazo, deklaroi se trajektorja e helikopterit ishte brenda rregullave të stërvitjes së pilotëve. “Helikopteri është futur në përdorim në nëntor të vitit 2015. “Të dy helikopterët sapo janë marrë nga FA dhe ishin brenda kësaj periudhe fluturimi”, është shprehur shefi i shtabit të FA. Dy pilotët me grada toger dhe kapiten që gjetën vdekjen, sipas Shefit të Shtabit të FA ishin të talentuar me përvojë dhe të trajnuar brenda dhe jashtë vendit. “Dy pilotët janë me një përvojë të madhe, të trajnuar brenda dhe jashtë vendit”, u shpreh Bazo.
Helikopteri, sipas shefit të shtabit Bazo, shërbente për të shpëtuar e kontrolluar nga FA. Ndërkohë, u ka kërkuar gazetarëve që të mos jenë të paduruar për të zbuluar më tepër detaje pasi po punohet nga strukturat përkatëse për zbardhjen e ngjarjes. “ Janë angazhuar të gjitha burimet për të hedhur dritë mbi të gjitha shkaqet pse ka ndodhur aksidenti”, ka thënë shefi i shtabit të FA. Shefi Bazo shprehu ngushëllimet pë familjarët e dy pilotëve që humbën jetën nga rrëzimi i helikopterit.
Deklarata e plotë:
Gjatë një fluturimi të planifikuar më parë është aksidentuar një helikopetr I tipit EC 145 nr bordi 47. Kishte një ekuipazh prej tre vetash kapiten Florian Deliaj, toger Donald Hoxha dhe ushtar profesionist Gerald Baramuca.
Me keqardhje bëj me dije se 2 anëtarët e ekuipazhit Florian Deliaj dhe Donald Hoxha kanë hjumbur jetën, ndërsa personi i tretë i ekuipazhit Gerald Baramuca po trajtohet në Spitalin Rajonal të shkodrës ku është jashtë rrezikut për jetën.
Forcat e Armatosura kanë humbur dy pilotë të talentuar. FA dhe gjithë personeli me uniformë i përcjellim ngushëllimet tona familjarëve të viktimave. Kemi angazhuar të gjitha burimet për të hedhur dritë mbi të gjitha shkaqet pse ka ndodhur aksidenti.
Ky helikopter shërbente si shpëtimin dhe kontrollimin. Dy pilotët janë me një përvoje të madhe të trajnuar brenda dhe jashtë vendit. Do ju kërkoja mirëkuptimin tuaj pasi në këto raste të ngjashme në botë kërkohet një kohë për të hedhur dritën e duhur mbi incidentin në fjalë.
Është ende herët për tju përgjigjur pyetjeve tuaja. Sa i takon kontrolleve është bërë brenda rregullave.
(Boldnews)
