Tri akuza i janë komunikuar 33 vjeçarit Alfred Karaj nga Nikla e Fushë Krujës, mëngjesin e sotshë, një natë pasi i kishte dalë pija. Njera prej tyre është “vrasje me dashje mbetur në tentativë.”
Mbrëmjen e djeshme, Karaj, ndërsa udhëtonte me makinë në fshatin Larushk bashkë me dy shokë, Arjan Veshtin, 31 vjeç nga Kamerasi dhe Elon Deliun, 28 vjeç nga Nikla, ka shtënë drejt një lokali me armë, lokalit të shtetasit K.Z. Fatmirësisht, lokali ka qënë i mbyllur dhe ka pasur vetëm dëme materiale.
Por, policia e njoftuar për ngjarjen, u ka vënë prangat të treve për amët pa leje që mbanin dhe për moskallëzimin e krimit. Më vete, Karajt, i është shtuar edhe akuza e vrasjes me dashje mbetur në tantativë.
Policia, gjatë kontrollit të ushtruar në vendngjarje, gjeti 7 gëzhoja model 54, kalibri 7.62 mm dhe një këmishë predhe fisheku luftarak e dëmtuar.
