Ministri i Shëndetësisë Ilir Beqaj është bërë sërish protagonist i dhunës verbale ndaj gazetarëve. Incidenti u shënua në ambjentet e spitalit Rajonal të Shkodrës, teksa po vizitonte të mbijetuarin nga rrëzimi i helikopterit në Grizhë të Malësisë së Madhe, Gerald Baramuça.
Mësohet se gazetari i “Zërit të Amerikës” Pëllumb Sulo nuk është lejuar të filmojë gjatë kohës që zyrtarët e lartë ishin në spital, duke i kërkuar atij që të fikte kamerën.
Debati:
Beqaj: O Pëllumb paske trash zërin. Nuk ke qënë kështu mor burrë?!
Gazetari: Sigurisht që e kam trashur
Beqaj: Oouuu
Gazetari: Nuk lejoj askënd të më prek kamerën
Beqaj: Ke trashur zërin?
Gazetari: Të lutem shumë
Beqaj: Ule zërin
Situata është agravuar akoma më shumë, kur një person që e shoqëronte ministrin Beqaj, ka dalë nga dera dhe i është drejtuar gazetarit duke thënë se: “Ule zërin. Most a dëgjojë zërin fare. Ta tregojë unë qejfin ty.”
Më pas gazetari është nxjerr me forcë nga një oficer policie.
