Kolumbiani Cezar Augusto Pelaez Triana rrezikon 15 vite burg, i cili dyshohet se është i përfshirë në trafikun e kokainës Kolumbi- Shqipëri.
Kaq vite burg ka kërkuar Prokuroria e Krimeve të rënda për 36-vjeçarin nga Kolumbia, i cili kishte ardhur në Shqipëri për të marrë shpërblimin për 256 kg drogë, që u kap më 5 qershor, e fshehur në kontenierin e bananeve në Malin e Zi
Kolumbiani kishte ardhur në Shqipëri për të marrë rreth 1 milionë euro për kokainën e cila kishte si dentinacion final Shqipërinë.
Ky trafik po realizohej me kontenierët me fruta ekzotike, të porositura në Ekuador nga kompania fierake “RR…Company”.
Sipas hetimeve, Triana me shtetësi spanjolle, u porosit nga dy shtetas kolumbianë, njëri me emrin EL Chiquetette dhe tjetri me emrin Perea, që të vinte në Shqipëri për të marrë paratë. Si shpërblim për punën e kryer, i pandehuri do të merrte shumën prej 200 000 euro. Triana erdhi në Tiranë në fund të majit të vitit 2014, për të marrë paratë nga trafiku i drogës. Por, pas kapjes së ngarkesës, lajm të cilin e mori nga mediat shqiptare, Triana nga frika mendoi të largohej menjëherë nga Shqipëria.
Në mungesë të biletës së kthimit, komunikoi me motrën e tij, Dora Pelaez, që ta ndihmonte për blerjen e saj. Pasi konsumoi shumë alkool, më 10 qershor mbërriti në Rinas ku u shoqërua nga policia, të cilës i kërkoi dhe ndihmë nga frika.
Njoftimi i Prokurorisë
Prokuroria për Krime të Rënda kërkon dënimin me 15 vjet burgim për shtetasi kolumbian Cesar Augusto Pelaez Triana, i akuzuar për veprën penale të “Trafikimit të lëndëve narkotike”, kryer në bashkëpunim. Ky shtetas është arrestuar me iniciativë nga Policia Gjyqësore e Rinasit, në dt. 10.06.2014, pasi dyshohej se kishte lidhje me një ngarkesë prej rreth 246 kilogram lëndë narkotike të llojit kokainë në portin e Barit, në Malin e Zi. Në bazë të hetimit, u arrit të provohej se shtetasi Triana kishte ardhur në Shqipëri për të marrë 600 mijë deri në 1 milion euro për llogari të dy shtetasve kolumbianë, të cilët po kryenin trafikimin e rreth 250 kg kokainë nga Amerika Latine në drejtim të Shqipërisë. Ky trafik po realizohej me kontenierët me fruta ekzotike, të porositura në Ekuador nga kompania fierake “RR…Company”. Në bazë të provave të mbledhura gjatë hetimit, Prokuroria për Krime të Rënda ka faktuar se: I pandehuri Cezar Augusto Pelaez Triana, me kombësi kolumbiane dhe shtetësi spanjolle, u porosit nga dy shtetas kolumbianë, njëri me emrin EL Chiquetette dhe tjetri me emrin Perea, që të vinte në Shqipëri për të marrë një shumë parash, prej 600 000 deri në 1 000 000 euro, për një ngarkesë droge, e cila do të transportohej, në drejtim të Shqipërisë, me një kontenier me fund të dyfishtë. Si shpërblim për punën e kryer, i pandehuri Cezar Augusto Pelaez Triana do të merrte shumën prej 200 000 euro. Në datë 19.05.2014, shtetasi Cezar Augusto Pelaez Triana, mbërriti në Shqipëri, në Pikën e Kalimit Kufitar Rinas, nëpërmjet linjës ajrore Barcelonë¬Romë¬Tiranë dhe, më pas, në Tiranë, është akomoduar në Hotel “Albatros”. Nëpërmjet numrit telefonik të recepsionistes, ai ka komunikuar me një shtetas shqiptar, që fliste spanjisht, numrin e të cilit e kishte marrë nga porositësit e tij. Pas komunikimit me të, u zhvendos për të qëndruar tek një hotel tjetër, pranë qendrës së Tiranës. Nëpërmjet medias i pandehuri mësoi për kapjen, në Malin e Zi, të kontenierit me 246 kilogram lëndë narkotike të llojit kokainë, për llogari të Firmës Shqiptare “Rrapo Compani” Sh.P.K. Nga frika i pandehuri mendoi të largohej menjëherë nga Shqipëria. Në mungesë të biletës së kthimit, komunikoi me motrën e tij, Dora Pelaez, që t’a ndihmonte për blerjen e saj. Pasi konsumoi shumë alkool, në datë 10.06.2014, mbërriti në Rinas ku u shoqërua nga policia, te ciles I kerkoi dhe ndihme nga frika qe kishte. Në datë 10.06.2014 ora 21.30, shtetasi Cezar Augusto Pelaez Triana u ndalua, me iniciativë, nga oficeri i Policisë Gjyqësore në Drejtorinë për Narkotikët dhe Trafiqet, në Drejtorinë e Përgjithshme të Policisë së Shtetit, pasi u dyshua për kryerjen e trafikut të narkotikëve, të llojit kokainë. Ky veprim është dokumentuar në procesverbalin e ndalimit të të dyshuarit për një krim”, datë 10.06.2014 ora 21.30.
