I mbijetuari nga rrëzimi i helikopterit është ushtari profesionist Gerald Baramuca, i cili është dërguar menjëherë në spital, ku mësohet se është jashtë rrezikut për jetën. Ndërsa kapiteni Florian Deliaj dhe toger Donald Hoxha kanë gjetur vdekjen e menjëhershme.
(I mbijetuari Gerald Baramuca)
Helikopter i Forcave të Armatosura të Shqipërisëu rrëzuar mesditën e sotme në Shkodër rreth orës 14:00. Ngjarja ndodhi në fshatin Grizhë të Malësisë së Madhe.
Njoftimi zyrtar i Ministrisë:
Sipas planit të fluturimit helikopteri EC 145, me numër bordi 637, me 3 ekuipazh në bord, kapiten Florian Deliaj, toger Donald Hoxha dhe ushtar profesionist Gerald Baramuca, janë nisur nga Farka sot në orën 12:10 në një fluturim stërvitor në përputhje me programin e planifikuar dhe miratuar më parë. Në orën 13:45 ka qenë kontakti i fundit që helikopteri ka pasur me Qendrën e Kontrollit dhe Raportimit në Rinas.
(Në foto: Togeri Donald Hoxha, i cili humbi jetën si pasojë e rrëzimit të helikopterit )
