Policia e Tropojës ka vënë në pranga një 55-vjeçar dhe ka proceduar penalisht bashkëshorten e tij, pasi ka zbuluar armë e drogë në banesën e tyre.
Sipas të dhënave zyrtare, është finalizuar me sukses operacioni i koduar “Leniq 2016”, ku u bë e mundur arrestimi në flagrancë i shtetasit Sadri Gjidiaj.
Gjatë kontrollit të ushtruar në banesën e tij, u gjetën dhe u sekuestruan një armë zjarri tip “automatik”, një çantë me 87 copë fishek M-56, një qese me 330 gram boçe të thara e dyshuar si Canabis Sativa, si dhe në ambientet e jashtme të banesës janë gjetur dy kuti kartoni me 142 fidanë të mbjella në gota plastike.
Gjithashtu filloi procedimi penal në gjendje të lirë për bashkëshorten e 55-vjeçarit, F.Gj., 49 vjeçe, banuese në fshatin Leniq, për veprën penale “Kultivim të bimëve narkotike”.
