“Kur padrejtësia kthehet në ligj, rezistenca kthehet në detyrim”. Gjendja shpirtërore e Napoli-t, pas skualifikimit të Higuain për 4 ndeshje, për shkak të kartonit të kuq dhe reagimit që ka pasur në ndeshjen kundër Udinese, mund të përmblidhet me fjalët e postuara në Twitter nga Carlo Alvino, një nga telekronistët tifoz më të famshëm të televizioneve italiane. Me pak fjalë, tema më e diskutuar e momentit në futbollin italian është Higuain, pas zyrtarizimit të masës së marrë ndaj tij nga gjykatësi sportiv.
Tifozët napolitanë nuk ankohen për vendimin, por për pabarazinë e trajtimit mes argjentinasit dhe Bonucci-t “Një vendim i shkruar prej ditësh. T’ju vijë turp. Tosel duhe të japësh dorëheqjen”. Ky ka qenë një nga mesazhet e postuara në Facebook. “Kampionati italian, – ka shkruar grupi ‘Partenope 1926’, – ka treguar edhe një herë se vendoset në tavolinë. ‘Calciopoli’ nuk ka mbaruar”. Më pas ka nga ata që i janë referuar një slogani të vjetër të shfaqur në “San Paolo” ku shkruhej: “Federata Italiane e Futbollit të Trukuar”. Nuk kanë munguar as krahasimet me lojtarët bardhezi. “Sjellja arrogante dhe e paedukatë e Bonucci, Chiellini me shokë, që e shohim çdo të diel, vlen më shumë se t’ vësh duart në gjoks arbitrit”.
Ky koment ka lidhje me episodin që ka ndodhur gjatë ndeshje Torino-Juventus ku Bonucci është falur nga arbitri Rizzoli, pasi ka protestuar ashpër ndaj këtij të fundit. Arbitri i derbit të Torinos e ka shpjeguar arsyen pse e ka ndëshkuar juventinin vetëm me karton të verdhë, Tosel ka shpjeguar se nuk e ka skualifikuar lojtarin bardhezi. Por tifozët e Napoli-t nuk janë dakord: “Higuain, më vjen keq, por nuk je Bonucci, – lexohet në Twitter. – Këtu rregullat vlejnë vetëm për disa. Nuk duan as që të shkojmë në Champions”. Nuk ka munguar dhe kundërpërgjigja e popullit bardhezi. Nga “Fliste Inter, fliste Roma, tani flet Napoli… ne luajmë dhe fitojmë” te “Polemikat absurde, që po bëni për Higuain, duke justifikuar veprimet e tij dhe duke ngritur hipoteza se është faji i Juves, tregojnë stilin tuaj. T’ju vijë turp”.
