Fakte të reja janë zbuluar lidhur me viktimën Artur Kurti, i vrarë ditën e djeshme nga kunati dhe djali i tij.
Ditën e sotme Policia e Tiranës ka bërë të ditur se krimi është kryer nga kunati, Leonard Ristani dhe djali Jurgen Ristani.
Lidhur me hetimet e policisë janë zbuluar detaje të reja në lidhje me konfliktin e lindur mes viktimës 50- vjeçar dhe bashkëshortes së tij.
Artur dhe Shpresa Kurti ishin në proces divorci. Dhe shkak duket se është një lidhje që kishte viktima i mbrëmjes së shkuar me një vajzë 25 –vjeçare. Të dhënat e siguruara nga grupi hetimor flasin se vajza e re kishte mbetur shtatzënë. Ishte ky fakt që e kishte detyruar Shpresa Kurtin të kërkonte divorcin nga bashkëshorti. Por ai e kishte refuzuar. Dy ditë më parë, në gjendje të dehur e kishte dhunuar. Edhe mbrëmë, rreth orës 21:00, kishte shkuar në shtëpi i dehur dhe e kishte kërcënuar në telefon bashkëshorten. Kjo është arsyeja që ajo kishte thirrr vëllain e saj dhe djalin. Me të hyrë në shtëpi, Artur Kurti e ka kërcënuar me një thikë në dorë. Leonard Ristani ka ndërhyrë, por është qëlluar disa herë e thikë. Në konflikt është përfshirë edhe Jurgeni 23 –vjeçar dhe bashkë me dajën e ka goditur të atin. Goditjet i kanë shkaktuar vdekjen e menjëhershme.
