Ai është simboli i mrekullisë Leicester, që fitoi sërish dje kundër Southampton dhe mban vendin e parë në Premier Ligë, 7 pikë larg ndjekësit më të afërt.
Historia e Jamie Vardy është një përrallë për të frymëzuar një film në Hollywood që do të fillojë të xhirimet pas verës: deri pak vite më parë ishte duke luajtur me amatorë, tani është golashënuesi më i mirë në Premier League dhe këtë vit ka tejkaluar rekordin e shënimeve të njëpasnjëshme të Ruud van Nistelrooy prej dhjetë ndeshje radhazi me Manchester United, sulmuesi i Leicester ka shënuar në 11 ndeshje radhazi.
E ndërsa e gjithë bota brohoriste për Vardy dhe shokët e tij ka ndodhur një incident i pakëndshëm madje shokues, fatmirësisht gjithçka vetëm në botën virtuale.
Bashkëshortja e Jamie Vardy, Rebecca Nicholson ka publikuar në “Twitter” një foto me vajzën e tyre 5 vjeçe, veshur me një bluzë të Leicester, foto të cilën sulmuesei e ka ripublikuar në profilin e tij.
Por disa të ashtuquajtur tifozë të Manchester United kanë lëshuar një sërë ofendimesh dhe kërcënimesh ndaj fëmijës, ku më i rëndi nga të gjithë ishte “do të të përdhunojmë vajzën”
