Katër shqiptar kanë vjedhur telat prej bakri që përcillnin energjinë elektrike në impiantin “Acqua Vergine” në rrugën “Collatina” në Romë, duke rrezikuar të lënë mjëra famile në kryeqytetn talian, pa ujë të pijshëm.
Shqiptarët, identiteti i të cilëve nuk është bërë i ditur, janë arrestuar dy netë më parë, raportojnë mediat italiane.
Shqiptarët vodhën gjithsej 3.240 kg bakër që shërbente për të përcjellë në impiant energji elektrike, me një gjatësi më shumë se 2 km dhe një vlerë rreth 50 mijë euro. Po të mos ishte për sistemin paralel të furnizimit me energji, Roma do të kishte mbetur pa ujë.
Të katër shqiptarët, të akuzuar për vjedhje nga prokurori italian Paolo Auriemma dolën sot përpara gjyqit, ku u njohën me masën e sigurisë arrest me burg. Seanca e radhës ndaj tyre do të jetë më 11 prill.
Shqiptarët u futën brenda ambienteve të impiantit me tre automjete, dy “Fiat Iveco” dhe një “Mercedes”, pasi arritën të nxjerrin nga menteshat portën hyrëse.
