Presidenti francez Francois Hollande ka paralajmëruar se do të ndryshojë kushtetutën në mënyrë që t’i heqë shtetësinë terroristëve të dënuar.
“Duhet arrirë një kompromis. Kam vënë re që një pjesë e opozitës ka qenë armiqësore ndaj çdo rishikimi të kushtetutës. Më vjen keq për këtë qëndrim por ne duhet të bëjmë çdo gjë të mundemi në këto rrethana të rënda që ndodhemi”, u shpreh Hollande.
Më parë ky vendim ka pasur kundërshtime të mëdha nga ministri i Drejtësisë Christiane Taubira i cili gjatë muajit shkurt dha dorëheqjen.
Ky propozim vjen 5 muaj pas masakrës së Parisit ku humbën jetën 130 persona, ndërsa shumë të tjerë mbetën të plagosur.
