Gjykata e Tiranës ka vendosur masën e sigurisë ‘detyrim paraqitje’, për 13 protestuesit e arrestuar pas përplasjes me policinë në protestën kundër këndit të lojërave tek Liqeni.
Gjykata ka pranuar kërkesën e Prokurorisë, duke vendosur “detyrim paraqitje” për protestuesit që akuzohen për “prishje të qetësisë publike” dhe “kundërshtim të forcave të policisë”.
Të arrestuarit nga policia për të cilët gjykata vendosi ‘detyrim paraqitje’:
1. Grigels Muçollari
2. Indrit Hoxha
3. Erjon Dizdari
4. Franci Doka
5. Gerald Metko
6. Silvio Sheme
7. Jurgen Kupi
8. Soven Sheme
9. Arlind Kajo
10. Klejdi Kalaja
11. Ndriçim Babasi
12. Behar Hasa
13. Tonin Kolthi.
Sipas policisë, pjesëmarrësit në protestën tek liqeni u grumbulluan përpara hyrjes së kantierit në ndërtim, dhe rreth orës 11:30, një grup deputetësh të Partisë Demokratike dhe konkretisht: Edi Paloka, Flamur Noka, Genc Pollo, Albana Vokshi, Arben Ristani, Asllan Dogjani, Keltis Kruja, Gerd Bogdani, Gent Strazimiri, shoqëruar nga protestues të tjerë, me veprime të dhunshme, tentuan dhe çanë me forcë kordonin e Policisë Bashkiake dhe të Policisë së Shtetit të vendosur në mbështetje të Policisë Bashkiake, duke hyrë brenda rrethimit të kantierit në ndërtim të “Këndit të Lojërave për Fëmijë”.
