Siç u raportua pak më parë se pengëmarrësi i avionit egjiptian kërkonte azil politik, duket se nuk është ky shkaku kryesor. Media greke “Protothema” shkruan se ai ka arritur deri në këtë pikë për dashurinë e një qiprote. 30 vjeçari Samacha është me profesion profesor dhe kërkon t`i dorëzojë një letër gruas së tij të zemrës.
Pas kësaj historie fshihet një histori dashurie me një qipriote, e cila quhet Marina Paraschou. Pengmarrësi i identifikuar si Ibrahim Samacha rrëmbeu avionin në Egjipt, duke kërkuar që të ulet në Qipro, ku banon edhe gruaja në fjalë. Ai rezulton që të jetë profesor universiteti, raporton “Protothema”. Pasi ka liruar shumicën e pengjeve, pengmarrësi kërkon që gruas në fjalë t’i dorëzohet një letër prej katër faqesh, e shkruar në gjuhën arabe.
Letra është marrë nga autoritetet dhe është në përkthim e sipër. Ndërkohë që janë marrë të gjitha masat për të mos patur viktima në këtë pengmarrje.
