Si pasojë e punimeve në sheshin “Skënderbej” është krijuar një trafik shumë i madh. Bashkia e Tiranës i kërkon qytetarëve të shmangin qarkullimin në këtë zonë kryesore të Tiranës, për shkak të punimeve intensive për Unazën e Vogël të Tiranës.
Në një njoftim për mediat, bashkia e kryeqytetit kërkon mirëkuptimin e qytetarëve, pasi ditët e fundit qarkullimi dhe trafiku në zonë është rritur ndjeshëm, për shkak të bllokimit të disa akseve
Më herët kryetari i bashkisë Erjon Veliaj tha se këtë javë projekti për qendrën e Tiranës do të bëhet publik nga bashkia, ndërsa ndërhyrja në terren mendohet të nisë pas përfundimit të unazës së vogël.
