4 persona janë të dyshuarit e parë se janë infektuar me virusin H1N1, ndryshe gripi i derrave në Kosovë. Gjatë 24 orëve të fundit, në Qendrën Emergjente të QKUK-së janë paraqitur këto raste.
Njëri nga këto raste tashmë është diagnostikuar dhe është shtruar në klinikën infektive, kurse tre të tjerët po presin rezultatin e analizave.
“Nga mbrëmë kemi pranuar një rast, sot dy raste, mjaft tipike, dhe raste dyshuese për infeksion H1N1. Kemi një gjendje të alarmit në reanimim”, ka thënë mjeku Avdush Bajgora.
