Një aksion i policisë së Kosovës e Hetimit të Trafikimit të lëndëve narkotike ka vënë në pranga 4 shtetas shqiptarë që udhëtonin në dy vetura me traga të Republikës së Shqipërisë. Pas kontrrollit të imtësishëm janë pikasur nga policia 1.867 gramë marjuanë të fshehura në gomën rezervë të automjeteve.
Policia e Kosovës, ka vërejtur substancë narkotike e llojit marijuanë.
Në vazhdim të hetimeve me urdhër të prokurorit është kontrolluar një shtëpi e dyshuar, ku janë arrestuar edhe dy meshkujt dhe një femër, pasi dyshohet se janë përfshirë në trafikun e lëndës narkotike. “Në cilësi të provave materiale janë konfiskuar një veturë e dyshuar që është përfshirë në rast, disa celular, 340€ para cash, si dhe dëshmi tjera që ndërlidhen me rastin”. “Me vendim të prokurorit shtatë (7) personave të dyshuar, katër (4) të Shqipërisë dhe tre (3) të Kosovës, iu është caktuar masa e ndalimit dhe janë dërguar në mbajtje”, thuhet në fund të njoftimit.
